Shillong: Ka Confederation of Social Organisation, lane ka kynhun ki sengbhalang, kaba la khlieh da ka Hynniewtrep Youth Council (HYC), ki dang shu pynkut dang shen ia ka jing ia lum lang jongki, kaba ki la pynlong ha Additional Secreteriat.
Kham mynshwa kitei ki nongialam, ki la ia sdang ban iaid paidbah na u mawmot jong U bah Bull N Lyngdoh, ha Dhankheti, ha kaba ki la wan ialum lang ha jaka ieng kali ha Additional Secreteriat.
Ha ka jingialum lang, kaba don kumba 200ngut ki nongialam bapher jong ki sengbhalang, la dawa na ka sorkar Jylla, ba kan pyntreikam noh ia ka ain innerline permit bill bad nangta la dawa ruh na ka sorkar India, ba kan weng noh ia ka Citizenship Amendbill 2016, hynrei ki dawa ba dei ban pyntreikam noh da ka National Registration of Citizenship (NRC). Kitei ki nongialam sengbhalang, maham ba lada ka sorkar kam lah ban pynurlong ia kitei ki mat jingdawa jongki, kumta kin nang pynkhreh ia shibun ki mat jingiakhih jongki nangne shakhmat.