Shillong: Ka seng JSU lyngba u Pressident ka Shillong Circle u samla Treiborlang R Suchen, ka la ong ba hadien ba ka seng ka lah ioh jingtip na ka MEMRIWU 108 ba dang don ki nongtrei jong ka 108, ki bym pat ioh jaka sah kaba biang namar ki nongtrei kim kwah ban leit sha ing hadien ba lah dep na jingtrei namar kam long kaba shngain ha ka por ba mynta ba dang don kane ka khlam COIVID 19.
Kumta ka seng ka la phah da ka kot sha u DHS ban pan jaka kaba biang ia ki nongtrei 108 ha kylleng ki district bad Sub Division jong ka jylla bad lah ioh jingtip ba tang ha Shillong ki dang pynbiang ia ka jaka ia ki nongtrei 108 ha Hotel Monsoon.
Ka seng ka lah kyntu ia ka sorkar kadei ban phai khmat sha kine ki nongtrei 108 namar ki aiti ialade met bad mynsiem ban sumar bad ban kit iaki nongpang na kylleng ki jaka ha nongkyndong ne ha sor wad hapdeng ka miet ka synnia kumta kam long kaba shngain ia ki nongtrei ban leit phai sha ing ia mynta namar katba kane ka khlam C0IVID 19 u dang pur ha kylleng ka pyrthei bad kumba ngi tip tikna wad ha jylla ruh lah don kiba ioh ia u.
Phi don ban ong eiei?