Shillong: Ka jingbym ker sainar ia ki transformer, ki ba don ha ki shnong bapher bapher kiba hap hapoh ka jing khmih jong ka MePDCL Sohïong Sub-Division, kaba lah ban wan rah ia ka jingjia ka ba sngewsih, kum shibynta na ka jingsngewkhia na ka liang ka Hynñiewtrep Youths’ Council (HYC) Sohïong Circle mynta ka sngi hapoh ka jing ïalam jong u President, u Samla Purningstar Shabong, ka la leit buh da ka jingthoh ha ka ophis jong u Sub-Divisional Officer MePDCL, Sohïong Sub-Division.
Ha kane ka jingthoh ka Seng ka la buh ia ka jingdawa na ka tnad treikam ban phah shna jingker (fencing) ïa ki transformer ha ki shnong ba pher ba pher ki ba hap hapoh ka jing khmih jong ka MePDCL Sohïong Sub-Division. Na ka liang jong ka Seng la pynpaw ka jingsngewkhia namar ba ki ba bun ki transformer ki don ha jan jong ki ïng briew ki lah ban wanrah ia ki jingjia ba sngewsih ia ki briew bad ki mrad ruh kumjuh kumba ka shait jia ha ki jaka ba pher ba pher na ka daw ba shu ieh lyngkrang ïa ki transformer.
Kumta ka Seng ka la kyntu jur ïa ka tei ka tnad treikam ba ka dei ban shan jingker noh mardor ïa ki transformer ha ki shnong ba pher ba pher ki bym pat shym la shna jingker.Ha kane ka sngi la ïakren ruh ïa kiwei kiwei bynta kiba ïadei bad ka jingsam bording sha ki jaka ba i donkam.
Phi dei shisha ki sengbhalang kiba peit iaka eh ka khon ki paitbah, ymkum ha jaintia ki lap por tang iaki kam kai namar ha Mowtyrshiah station ruh ympat dep ker sainar kaba ma khamtam badon khyllung bad ngi ladep pyntip sha u President M Suchiang bad sha u General Sc R Madur hynrei kine kim ia bna