Nongpoh: U Bah Marcus Marten, President ka Hynniewtrep National Youth Front (HNYF), Northern Region, u la ong ba ka seng ka dawa na ka sorkar bad ruh ia ka KHADC ba ki dei ban tehlakam, halor ka jingnangkiew jong ki briew na shabar ka jylla, kiba la wan ban bylla ne ban leh ia ki kam khaii, khlem da pynbiang ia ki kot ki sla kiba donkam.
Utei u nongialam ka HNYF, u la ong ruh, ba ka seng ka sngewkhia eh ban iohi ia ka jingnangbun ki briew na shabar ka jylla, kiba la wan ban bsuh khlieh hapoh ka jylla, da kaba trei kum ki nongbylla sngi ha ki kam bapher bapher, nalorkata ka jingiohlad jong ki ban trei ha ki karkhana bad ruh ha kiwei de ki kam kaba la pyntrei da ki Kontraktor.
Shuh shuh, u la ong ruh, ba ka jingiohlah ki briew kiba nabar ban trei lut ha baroh ki kam, ka la wanrah jingeh pat ia ki samla trai ri trai muluk bad kiba la shem jingeh ban iohkam, namar ba baroh ia ki kam barit baria ne ha ki kam bylla sngi, la trei lut da ki briew kiba wan na kiwei pat ki jylla.
Ka seng kam kren eh tang halor ka jingwan bylla ne wan khaii da ki briew kiba nabar ka jylla, hynrei ha kjuh ruh ka por ka kyntu ia ka KHADC ba ka dei ban pyrkhat bha hashwa ban ai Trade License lane Labour License, namar lada shu ai pathar, kaba mut ka jingeh hi yn sa kynduh da ki samla Khasi bad kiba im ha ka khlem kam khlem jam.
Ko seng bha lang da tip ba ki khar ne ki Muslim ki wan na ka daw ki kynthei khasi jng ngi ki kdup ia ki, ha Kashmir ruh ja kumjuh ki thei Kashmiri ki ia shong ba ki nong Pakistan change ia ka custom law ngi sa lah ban teh la kam ia kine baroh