Dawa ka HANM ban weng noh ia u Rao bad thung ia u Hector kum u Chief Secretary ka Jylla

Shillong: Ka Hynniewtrep Achick National Movement, mynta ka sngi ka la leit buh ia ka dorkhas ha u Myntri rangbah ka jylla u Conrad K Sangma ban dawa ban weng noh ia u MS Rao na ka kyrdan kum u Chief Secretary jong ka Jylla Meghalaya bad ban thung noh ia u bah Hector Marwein

Ha ba ia kren bad ki lad pathai khubor na ka liang u Asst.general Secretary jong ka HANM u bah Louis Dohtdong, u la ong ba ka jingthung jong ka Sorkar jylla ia u MS Roa kum u Chief Secretary jong ka Jylla Meghalaya khlem da peit iaka jing longshuwa ha ka jingtrei kam ka pyni ba ka sorkar Jylla kam khein snep ia ki briew jong ngi, u bah Hector Marwein u dei u briew u ba la biang pura ban bat ia kane ka kyrdan kum u Chief Secretary namar kat kum ka jingtrei kam u la shuwa shibun u bah Hector ban ia u MS Rao.Na ka liang ka HANM ka dawa na ka Sorkar Jylla ba kan weng noh ia u MS Rao bad ba kan thung noh mardor ia u bah Hector Marwein.