Dawa ka EJNC,NEIPFSBA na u SP ka EJHD ban kem mardor ia ki ba pynsaphriang khubor thok ha social media

Shillong: Ka East Jaintia National Council EJNC, ka North East Indogenous People Federation Southern Border Area ha ryngkat u MDC jong ka Bataw Lakadong constituency u Dr.Sanky Shangpung, mynta ka sngi ki la leit buh ia ka jing ujor ha u SP ka Eat Jaintia Hills, ha Khliehriat, pyrshah ia ka jingpyn sa phriang ia ka khubor ha social media lyngba ka FaceBook bad Whatsapp ba don uba ioh ia u Virus ha ka shnong Umlyngsha,Lama bad ka Deinsatlang kaba hap hapoh East Jaintia Hills District, hynrei ki khlem pynpaw ia ka kyrteng jong u virus.

Na ka liang u president ka EJNC u ma Sambormi Lyngdoh la pynpaw ka jingsngewkhia halor kajingpynsaphriang ia ka khubor lamler kaba la mih ha ki social media bad u la kyntu ruh ia ka sorkar ba kin shim khia ban leit test lane ban leit screen ia kine ki lai shnong, khnang ban lah ban tip ia ka jinshisha bad u la dawa ruh naka sorkar ban pynbiang kloi kloi ia ka mask bad ka handsanitizer hapoh kane ka jylla khnang ba ki paidbah kin lah ban iada na une u khniang jing pang Convid -19.

U MDC, u la kyntu ia u SP ka EJHD ban tohkit mar mar ia u ba pynmih iakane ka khubor lamler bad u la kyntu ruh ban pynshitom katkum ka aiñ bad kim dei ban ailad ia kum kine ki jaidbriew, kiba hun ban die ia la ka shnong ka thaw bad ka district ka jylla hi baroh kawei.