Dawa ka BJP Mawhati ban shna ia ka surok by-pass sha Jagiroad

Shillong, 24 Naiwieng:
Ka Bharatiya Janata Party (BJP) Mawhati Mandal Ri Bhoi District, ki la dawa ba ka sorkar kadei ban shna ia ka surok by-pass ban pyniasnoh ia ka surok Umsning bad Mawhati-Jagiroad khnang ba kan pynsuk ia ka leit ka wan ki paidbah katei ka shnong.
Haba kren mynta ka sngi sha ki nongthoh khubor, u President ka BJP Mawhati u bah Tin Mukhim u la ong ba ka jingshna ia ka surok by pass na Mawhati ka la buh jingeh iangi namar ba ka ha ka jingshisha ban pyniasoh bad ka surok Umsning hynrei ka kiar sha khlaw.
Na ka liang jong jong ka BJP, ha ka 28 tarik Risaw,2015 ki la phah jingthoh sha u Myntri ka sorkar ba dei peit ia ka surok ba kin leh eiei na bynta kane ka kam kaba la buh jingeh ia ka shnong hi baroh kawei hynrei haduh mynta ym shym pat ioh ka jubab.
U la ong lada shna ia ka surok 4-lane ban iaid kiar na ka shnong Umsning (Umsning Bye-pass) ka la long kyllaiñ ia ki kali ki ban leit sha Mawhati, namar kane ka bye-pass lawan na Shillong  ka pom thymmai ia ka surok na Umtrew, ter ter sha Patarim ban pynpoi sha Nongthymmai hajan Police Out Post.U la iathuh ba ka seng ka la ai jingmut ban pynsuk ka sorkar ka dei ban shna na Nongthymmai sha Patarim ban pynpoi sha Umsning kaba don mar pyrshah ia ka lad ban leit sha shnong Mawhati khnang ba ki paidbah kiba leit ba wan kin suk lyngba kane ka surok.Ha ka juh ka por u la iathuh ba ka seng ka la dawa ruh ban kyntiew kyrdan noh ia ka surok Umsning-Mawhati sha Jagiroad kum ka two-lane khnang ban pynsuk ia ki paidbah ban leti sha Assam. Ia kane ka shithi la dep aiti sha u Union Minister ha ka 28 tarik Risaw 2015.Shuh shuh u Bah Mukhim u la iathuh ba ka surok Umsning –Mawhati sha Jagiroad ka jngai kumba 80 km kaba kynthup ia ki 60 tylli ki shnong, ka long ruh ka jingkyrkhu ia ki paidbah bad kan pyllait ka jingsahkut kali ha surok 4-lane .
Haba iadei bad ka jingthmu ban shna ia ka Umsning Bye pass kaba dei ka surok 4-lane u la kynnoh ba dei ka jingdonkti ki heh spah, ki nongmihkhmat na ka seng Congress bad ki ophisar kiba la dep thied jaka bad mynta ki phah shna ia kane ka surok kaba don sha lawbah lawsan,khlem pyrkhat shuh ia ka jingmyntoi jong ki paidbah katei ka thaiñ.