Dawa ILP sa ka KAS

Shillong: Ka Khasi Author’s Society ka la thoh sha u myntri kam pohing ban daw pyntreikam da ka Inner Line Permit (ILP) ha Meghalaya.

Ka KAS hadien ka jing ialang jong ka Executive Committee myn hynnin ka sngi, ka lah phah da ka shithi sha u myntri kam poh ing ka ri India u Amit Shah ban dawa ba dei ban pyntreikam da ka ILP hapoh ka jylla Meghalaya khnang ba ka CAA 2019 kan nym lah ban treikam hapoh ka jylla.

Ka KAS ka lah pynpaw ruh ba ka jing mih ki jing klumar hapoh ka jylla baroh kawei kadei namar ki briew ka jylla kim pdiang satai ia ka CAA 2019. Lyngba ka shithi sha u myntri kam poh ing ka KAS ka pynpaw ba lada ka CAA ka long ain ha Meghalaya kan sah buh jing ma ia ka jing long rit paid u Khasis and the Garos hapoh ka jylla Meghalaya. Ka KAS ka lah pynpaw ruh ba mynshwa ka shnong Jaintiapur ba shong da ki Khasi kadei ruh ka nongbah Hima Jaintia tangba mynta pat ka lah shah knieh noh bad ka Bangladesh.
Ha ka shithi ka KAS ka lah pynpaw ba ka kyrshan ia baroh ki sengbhalang ne ki seng sain pyrthei ban pyrshah jur ia ka CAA 2019, bad ban dawa ba dei ban pyntreikam noh da ka ILP kum ba pyntreikam hapoh ka jylla Manipur.
Ka KAS ka lah thoh ruh sha u myntri rangbah ka jylla Meghalaya u Conrad K Sangma ban dawa na ka sorkar ba kadei ban shim ka rai ban dawa na ka sorkar kmie ban pyntreikam noh ia ka ILP hapoh ka jylla Meghalaya baroh kawei.