Dawa ia ka jingshai ba pura, halor ka jingleit bret kai ia ki dawai

Na ka liang jongngi ka kynhun Meghalaya Awaken Concerned Citizen (MACC), ngi donkam ban ioh ia ka jingshai kaba pura lyngba ka Department of Health & Family Welfare jongka Sorkar Jylla halor ka jingleit ban bret pathar noh ia ki Dawai shapoh Marten. Ynda haba ngi iohi katkum ka jingpynshai lyngba ka ophis treikam jongka Directorate of Health & Services (MI) lyngba ki Kotkhubor la ong ba ki dawai kidei kiba la kutnoh khlem ioh pyndonkam ha kapor jongka COVID-19.

Lada ngi phai halor katei ka jingpynshai nakaliang jongngi kum ka kynhun ngimlah ban pdiang ia kane ka bynta namar bunsien ngim ju kham iohsngew ban lap ruh ia ki dawai ban shu leit bret pathar noh mardor khlem da lah ban pyndonkam ia ki bad ngi la ju iohsngew ruh ba bunsien ka jingiateh kular bad ki company bapher bapher lyngba ki (Agreement) ha kaba iadei ka bynta jong ki dawai lyngba ka Tnat Treikam jongka Health Department jongka Sorkar ba la dei ban pynphai noh pat ia ki dawai ba la kutnoh shapoh ki Manufacture Company da kaba hap ban pynthymmai da kiwei pat. Ki Manufacturer company ki la don lypa ia ki jaka ha kaba kumno ynhap ban pyndam noh (Dumping) ia ki Dawai kiba la kutnoh ym daka shu bret pathar sha lum sha wah namar kane kan ktah ruh ia ka Mariang kumjuh lem bad ka Koit ka Khiah jongki briew kiba iaid sharum shaneng halor ki kam ki jam ba manla ka sngi. Ka jingktah jong kitei ki Dawai ba la shu bret pathar nyngkong eh kanlong ka jingma kaba khraw halor ka Koit ka Khiah jong ki paidbah khamtam sha ki Shnong ba marjan kiba dang pyndonkam ia ki Umbam Umdih na ki pung ba dang markhap bad ka Marten, nalor kata ha kaba iadei bad ka Rep ka Riang lem bad kiwei pat ha ki bynta jongka jingsma khamtam kumba la ju lap man kapor ba ka Jaka Marten kaba don hapoh Mawlai Mawiong kalong ka Jaka ka bym ioh shuh ia ka lyer kaba khuid wat ban ring mynsiem ha kaba shaid ba khlaiñ namar ka jingsma kaba shyrkhei haduh katta katta khamtam na ki bor jongki Dawai kiba lah ban ktah bad kane la lap ba kala long ka jingpynkheiñ noh haba phai katkum ki kyndon jongka THE DRUGS AND COSMETICS ACT 1940 & RULES 1945 ba la buh lyngba ka MINISTRY OF HEALTH AND FAMILY WELFARE, GOVERNMENT OF INDIA ne kumjuh wat haduh ki kyndon jongki Aiñ bapher bapher.

Ynda haba ngi pyrshang ban wat bniah ngi tip shai ba kine ki dawai kidei ki Duplicate Medicine lane ki Non-Essential Drugs da kaba shisien ba la ioh dei ban pyndonkam tang hapoh ka Trial Medication ymlah ban pyndonkam da ki briew namar wat ki Doctor ruh ki salia ban ai ia ka Prescription sha ki Nongpang bad dei namar kane ka daw kaba pynlong ban hap shu leit bret pathar kat shaba lap khlem da wat bniah ia ki Jaka kiba biang ynda haba ki la kutnoh khlem da lah ban pynphai noh pat ia ki sa shisien shapoh ki Manufacturing Company ne wat ban ioh pyndonkam da ki briew kiba pang.

Ki tiar pyndonkam hapoh ki Hospital Sorkar kilong kiba tad dor haduh katta katta namar ymlah ban ioh da ki Branded Products ne kumjuh wat ki dawai ruh. Ki Materials bapher bapher la hap ban shu thied hi da ki Nongpang na shabar ki Pharmacy. Lada ioh ka Health Service napoh ki Hospital sorkar ruh iakynduh jingeh ki paidbah khamtam kiba wan naki longing ba duk, kum ka nuksa haba ngi iohi halor kawei ka Longkmie napoh ka Shnong Mawlyndep kaba wan ban kha Khyllung hapoh Ganesh Das Hospital, Lawmali Shillong kala ngat kylla ha ka jingpang lyngba ki tiar ba pyndonkam lyngba katei ka Hospital bad kumjuh ruh haduh ban da duh noh shisyndon ia la I jong I Khyllung iba dang shu kha hapoh katei ka Hospital.

Shibun ki jingjia kiba mih napoh ki Hospital Sorkar ne wat napoh ki Tnat Treikam jongka Koit ka Khiah jongka Sorkar man la kapor hynrei ymju don ba iohi ia ki bad bun na ki Nongmihkhmat kiba long ruh ki MLA ki bunkam tang ban shu put turoi dalade ialade tang namar ka jingkhraw bor khlem da lah wat ban rah ia ki jingeh jong u Paidbah hapoh ka Cabinet ne wat hapoh Assembly pynban da kaba shu kut ki jingiatai tang hashuwa ka Election lyngba ki tiar jingpynsawa, ki Dukan Sha bad hapoh Surok.

Kiba bun naki paidbah kiba im shapoh ki thaiñ Nongkyndong ki wan na ki longing ba duk ba kyrduh bad don napdeng jongki wat ban thied ia ka bam ba biang ruh kim lah kotbor. Ngi sngewthuh shai ba wat ban thied ia ki Dawai kiba biang kiba kham rem (Essential Medicines) ruh kimlah kotbor shuh. Kumta ngi ju iohi ba bun na ki Doctor kiba la pyndep ia ki Medical Degree kim ju treh ban leit trei shapoh Nongkyndong namar ki sngewthuh ba kimdon jingiohnong eiei ruh em namar bym ioh plie Clinic ne Pharmacy namar khamduna kiba wan shim dawai Private bad dei namar kane ka bynta bun ki Doctor ki kwah ban don beit hapoh ki Jaka Sor kiba bunsien ki ioh ban pyndonkam ia ka bor katba ki sngewdei ban ioh kamai. Shapoh Nongkyndong ka jingduna Doctor kalong shisha kaba bun haduh katta katta khamtam haba phai lei sha ki CHC, PHC ne Sub-Centre ruh kumjuh. Napoh ki thaiñ Nongkyndong ki Doctor kiba bun ki don kumba 59% percent bad bun na ki kumba 31% kidei kiba dang ioh ia ka kyrdan jingpule Class 12th bad kimlah ban ioh ia ka Full Medical Degree ban ai ka jingshakri pura ia ki paidbah. Ha kaba iadei bad kane ka bynta ka Sorkar kadei ban peit bniah kumno ban wanrah ia ka “Good Health Care System” ym da kaba ynhap ban wanrah shisyndon da ka “Broken Health Care System” ha kaba iadei bad ka jingim jongngi ki briew ha pyrthei. Dei namar kane ka bynta ruh kaba pynshlur ia kiba bun kiba ieng iakhun MLA kidei kiba khlem da don ki kyrdan pule kiba pura ne wat ban peit bniah ia ki jingshisha, hynrei tang namar ka spah kaba lah ban thied noh ia ki briew khlem da tip pat ia ki kyndon Aiñ kiba biang ban shakri ia u paidbah halor ka khia ka shon kaba shem kumba long mynta.

Kumta ngi kyntu ia ka Sorkar Jylla lyngba ka Tnad jongka Koit ka Khiah ba ymdei ban ai jingshai tang hapoh ki Kotkhubor malu mala, hynrei donkam ban ioh ka jingshai kaba pura khamtam kumba ngi shem mynta ha kane ka kynti.

Bah Banshai Marbaniang,
President,
Meghalaya Awaken Concern Citizen (MACC).