Dawa ka HNYF, ban maramot ia ka PHC Dawki

Shillong: Ka Hynniew trep National Youth Front, Southern Riwar Circle, ki la lap ba ka PHC kaba don ha Dawki, ka la or pait bad kumta, katei ka seng, ka la ia kynduh ia U bah P Tynsong, symbud myntri rangbah, uba bat ruh ia ka tnat ka koit ka khiah ka sorkar jylla, na ka bynta ban dawa ban maramot ia katei ka PHC, ha shwa ba kan iaid ka jingtrei ia ka surok ha katei ka jaka bad la ong ruh ba lada pynpra shwa ia katei ka PHC, khlem pep, kan ktah shibun ia ki paidbah jong ka thain, khamtam ha ka por jong ka khlam.

Ha kajuh ka por na ka liang u symbud myntri rangbah, u la kular ba un shimkhia, halor kane ka bynta bad u lah ong ruh ba shwa ban shna ia ka surok thymmai ka ban iaid lyngba jong ka Dawki PHC, yn sa shna shwa ia ka Dawki P.H.C.