![](https://www.urupang.com/wp-content/uploads/2023/04/image-18.png)
Shillong:Ka Voice of the People Party (VPP) ha ka jingïalang ba la pynlong ha ka 4 tarik Ïaïong 2023 ka la shim ïa ka rai ban phah jingthoh sha u Myntri Rangbah ka jylla bad u Shongknor ka Meghalaya Legislative Assembly ban khot ïa ka dorbar ba kyrpang ban ïatai ïa ka jing pyntreikam ïa ka roster system bad ia ka bhahkam ha ka jylla halor ka nongrim jong ka rai jong ka Ïing bishar ba donburom, Ka Meghalaya High Court ba la pynmih ha ka 3 tarik Ïaïong 2023.
Khnang ban wanrah ïa ka jingsngewthuh paidbah ïa ka jingktah ka roster system khlem da wanrah shwa ïa ka jingpynkylla ha ka rukom bhahkam, ka Party ka la shim ruh ïa ka rai ban pynlong ia ki jingïalang paidbah ha ki nongbah jong ki district bad ki sub-division ha kine ki sngi ban wan.
Ha kane ki jingïalang, la rai ruh ban ai ïa ka jingpynshai paidbah shaphang ka jindonkam ban ïeng rangbah pyrshah ïa ka jingpyrshang ban thyngian jubor ïa kawei ka ktien ha ka Ri India baroh kawei bad ka jingdonkam ban pynrung noh ïa ka Ktien Khasi bad Ktien Garo ha ka Khyrnit ba phra jong ka Riti Synshar ka Ri India.
La ïa wer ïa ki paidbah ban ïa wan sngap ïa ki jingpynshai ka Party. Ïa ki tarik jong ki jingïalang yn sa pyntip kham hadien, ong ka kyrwoh na u Dr. Batskhem Myrboh.
ka biang eh, long live vpp. tangba hap long stad, hap husiar, ym dei ban iaid first gear than na kaba sdang ioh lut umphniang ha lynti.