Shillong: Ka JAC jong ka Nongkrem ka ba la lam khmat da u bah Lambor Malngiang U MLA ka Nongkrem constituensi, mynta sngi ki la leit ban ia kynduh ia u myntri rangbah ka jylla u Conrad K Sangma ban dawa ban buh noh ia ka Community & Rural Development Block ha ka shnong Nongkrem.
Haba iakren bad ki lad pathai khubor na ka liang u bah Lambor Malngiang u la iathuh ba ka shnong Nongkrem, ka la donkam ban don la ka jong ka C&RD block ha ki tei ki thain.
U bah Lambor u la iathuh ka jingbym don ia ka C&RD block ha ka shong ka la wan rah jingeh bha ia ki nongshong shnong kane ka thain na mar ba haba ki nongshong shnong ki don kam ban leit donkam ha ki Block kin hap ban leit shaduh ka Mawrynkneng lane sha Mylliem Block ka ba la ktah eh ia ka pisa tang ha ka leit ka wan.
Lada ki ioh la ka jong ka C&RD Block kata kan wan rah ia ka jingmyntoi ka ba pura ia ki nong Nong kren ha kaba baroh shi katta kin hap ban ia sam ia ki skim ba wan na sorkar pdeng bad ka Mylliem ne ka Mawrynkneng Block.
U bah Lambor u la iathuh ba ka jingia kynduh ka la long ka ba sei soh ha ka ba na ka liang u Myntri Rangbah u Conrad K Sangma u la kular ba un shim khia bha ia ka ne ka kam ban pynioh ia ka C&RD Block ha ki thain Nongkrem.
Phi don ban ong eiei?