Jowai: Ka East Jaintia Hills Drivers’ Association ka la dawa na ki bor ba pyniaid ia ka Toll Gate ha Ialong ban pyllait ia baroh ki gate ha baroh 24 kynta khnang ba kan nym don kano kano ka sahkut kali.
Na ka liang katei ka seng ka la iathuh ba ka don ka jingsahkut kali jan man ka miet hadien ba la khang ia katto katne tylli ki khyrdop bad ia kane la lap hi da u President ka Seng, u Lambormi Dkhar ba ha ka miet 7tarik mynta u bnai, ha ka por 9pm ei ei, ha kaba ka jingsahkut kali ka kham jur bha namar ba ki pyllait tang kawei ka Lane bad ki khlem ai lad wat ban iaid ka ambulance ruh, haduh ba u president un hap ban iatai nia bad kito ki nongtrei hangto, nangta ki sa pyllait ia ka ambulance, la ong ka khubor na ka seng.
“Lada kumne beit kan iai jia manka por, haba wat ia ka ambulance ruh kim ai lad ban iaid kloi, ka seng kam banse ban wad da kiwei pat ki lad ban ialeh pyrshah ia kine ki nongtrei toll plaza”, la pynkut ka seng.
Phi don ban ong eiei?