Dawa ATM Machine ha Pahammawlein

Nongpoh:Ka Federation of Khasi Jaiñtia and Garo People (FKJGP), Umling Circle, ka la dawa na u Branch Manager ka State Bank of India, ba u dei ban buh noh kawei ka kor ATM ha shnong Pahammawlein, khnang ban pynsuk ia ki paidbah kiba katei ka thain, namar katei ka thain ka dei kawei na ki thain, kaba la don bun tylli ki shnong bad katei ka jaka, ka dei ka jaka kaba long pdeng na bynta ki paidbah ha kiba bun tylli ki shnong.

Halor katei ka jingdawa ban buh kor ATM, u Bah Banroy Wahlang, General Secretary ka FKJGP Umling Circle, u la ong ba ki paidbah ki don hapdeng ka jingeh kaba khraw ban sei pisa haba don kino kino ki kam kyrkieh bad kaba la wanrah jingeh ia ki paidbah, ba leit sei pisa shaduh Byrnihat.

Kumta na ka liang ka liang FKJGP, ka dawa na u Branch Manager ka SBI Nongpoh, ba u dei ban iakren sha ki bor bahalor na ka bynta buh noh kawei ka kor ATM ha katei ka jaka, khnang ba kan pynsuk ia ki paidbah ha katei ka thain hi baroh kawei.