Dawa 4th teacher ka MSSASA  

Shillong, 16 Risaw:
Ka Meghalaya SSA School Association ki la leit ban iakynduh ia u myntri ka tnad pule u bah RC Laloo bad hajuh ka por ki la phah ruh ia ka dorkhas na bynta ka jing dawa jong ka association ha kaba iadei bad ki nong hikai khamtam ia ki 4th Teacher.
U Publicity Secretary ka MSSASA ka East Khasi Hills u bah S Lyngdoh, u la ong ba hadien ba ki la iakynduh ia u Myntri ka tnad pule, na ka liang jong ka sorkar ka la khot ia ki nongialam ban iakren  khambha ha ka 19 tarik risaw.
Na ka liang ka seng ka la kyntu ia ka sorkar ba kan shah skhor ia ki jingeh ba ki nongialam ki la buh ha khmat ka sorkar bad ba kan nym lehbein ia ki nonghikai  da kaba buh ia ki ha ki kyrdan bapher bapher hynrei ba kan ai ka jingsiew kaba mar iaryngkat.