Dap 75snem ka Hema Malini, shad bad rwai ka Rekha, da ki sur ba shoh bha

Ka Hema Malini, ka rakhe ia ka jingdap 75 snem jongka, hynnin ka sngi, ka 16tarik Risaw 2023 bad ka la don ka khawai dawai, kaba heh bha, ha kaba ki la bun ki khlur ak phlim, kiba pawnam, kiba leit shim bynta lang bad kitei ki kynthup ia U Salman Khan, ka Vidya Balan, ka Esha Deol, U Sonu Nigam, U Ayushmann Khurrana, U Jackie Shroff, U Anupam Kher bad ka Padmini Kolhapure, kiba leit shim bynta, na shibun kiwei pat. Ha katei ka miet, ka don ka jingrwai, kaba sah kynmaw, ha kaba la rwai sngewbang bha, da ka aktress ba pawnam bha, ka Rekha bad ka Hema bad ka Rekha, ki ia rwai lang ha rynsan, ia ka jingrwai, kaba ai kyrteng ‘Kya Khoob Lagti Ho’.

Ka Rekha, ka rwai ia katei ka jingrwai, kaba sngew ieid bha, kum ka jingniew burom ia ka Hema Malini, kaba dei ka jingrwai, kaba sngewieid bad kaba sngewshoh mynsiem bha ‘Kya Khoob Lagti Ho’ bad la iohi, ha ki video, ba kitei ki arngut ki aktress hyndai, ba ki ia snohkti iwei ia iwei bad ia shad ha ryndan, lem bad ka tem ka put, kaba da sngewhun shikatdei.