U Narendra Modi, myntri rangbah, u dap 68 snem mynta ka sngi bad ban rakhe ia ka sngi kha jongu, un leit sha Varanasi ka Constituency jongu ha Uttar Pradesh bad un ia kynduh ia ki khynnah skul, ong ka kyrwoh na ophis u myntri rangbahduh.
U Modi, un don ar sngi ha Varanasi, kaba sdang naduh mynta ka sngi bad un leit jngoh ia ka shnong Narur bad un ia kren bad ki khynnah skul Primary bad hadien kata un ia kynduh ia ki khynnah skul jong ka Kashi Vidyapeeth bad un leit jngoh ruh ia ka Kashi Vishwanath temple bad hadien kata, un peit ia ka phlim “Chalo Jeete Hain” kaba batai shaphang ka jingim jongu bad yn pyni ruh ia katei ka phlim ha ki prokram telebishon bapher.