Dap 50snem, ka VDP Moodymmai

Jowai, 16 Nailar:
Ha ka jingiaid lynti kaba 50 snem ka VDP Moodymmai West Jaintia Hills District ka long kaba sah khana ha ka history jong ki VDP ka jylla, namar ba dei tang kane ka kynhun ki VDP ha ka jylla kaba la dap 50 snem, ha kaba la rakhe ha ka 13tarik Nailar 2013.
U bah HG Lyngdoh SP West Jaintia Hills, u ba long kum u kongsan u pynpaw ka jingiaroh ia ki nong prat lynti kane ka VDP Moodymmai, ha kaba myn 50 snem mynshwa, wat lada kim longkiba nang ba stad ki don pat ka jing i jngai ia ka bha ka miat bad ka shongsuk shongsaiñ ka shnong ka thaw. Kumta U SP, u da kyntu pat ia ki VDP kiba mynta ba kin long kiba trei shitom, namar ba ki VDP hi ki dei ka kti kamon ki kti ka diang jong u pulit bad lada ki VDP ki long kiba kit khia, ia ka kam ka iarap shibun iaki pulit ban teh lakam ia ki kamsniew. U da ong ruh ba ha kajing iadei bad ka jingshah bat bor bad ka jingshah lehbeiñ ki kynthei khynnah, ka long kaba dei ban shimkhia na la ki jong ki ing ki sem, ha kaba dei ban peit bha ia ka iaid ka ieng ki khun ki pyrsa bad ban sneng ban pynsngewthuh ia ki ha ka jingiadei bad kane ka kam.
Ia ka Village Defence Party jong ka Moodymmai, la la seng naduh ka 13tarik Nailar 1963, da ka jingangnud jong ki katto katne ki Rangbah ka shnong ban wanrah ia ka shongsuk shongshngaiñ ha ka shnong ka thaw. Ka Dorbar shong Moodymmai ryngkat ka VDP shnong, ki kynmaw ieid ia kine ki nongialam ka VDP ka shnong 50 snem mynshwa daka ba ki ai burom ia ki mynta ka sngi ha kaba kiba haing ki jongki, ki la leitshim ia kane ka jing pynkup burom. Ha kane ka jingialang pyndonburom dap 50 snem ka VDP Moodymmai, ki ki nongialam kiba ym don shuh ha pyrthei kiba ioh ia ka burom, ki dei ia u (L).Tikin Pariat, uba dei u lamphang ka VDP, U Cross Pyrtuh uba dei U Secretery bad U Elbi Phawa, uba dei u nongbat pisa nalor kiwei pat.
Ia ka jing ialang pyndon burom dap 50 snem ka VDP Moodymmai la pyniaid da u ma Light Singh Shylla Local MDC, ha kaba la ai jingkren ruh da ki 2 ngut ki MDC ka JHADC u ma Moonlight Pariat bad u ma Sunday Morning Suna, u CI Jowai PS,U OC in charge ka Umulong beat House officer nalor kiwei pat.