Dap 100 snem ka Balang St Mary,s Church, Nangbah

Jowai, 20 lyngkot:
Ka Balang St Mary,s Church, Church of North India Nangbah, kaba don ha ka shnong Nangbah West Jaintia Hills District ka la kot sha u mawmer ba 100 jongka mynta u snem. Ia kane ka jingrakhe dap 100 snem kane ka balang la sdang naduh ka sngi saitjaiñ 18 tarik kyllalyngkot bad pynkut ia ka da ka jingia seng sngewnguh myn ha kane ka sngi u Blei 19 tarik kyllalyngkot ha iing mane ka Balang.
Ha ka snem 1911 u ma Lowel Gatphoh, u Evangelist uba naJowai u la wan poi iuhkjat sha ka shnong Nangbah ka shnong kabajngai tang kumba 13 km naJowai ban ialap ia ka gospel sha ki nongshongshnong kane ka shnong bad tang hadien arsnem, ka jingwan iuhkjat u Lowel Gatphoh u ba la hikai ia ka gospel bad pynrung ia ka nongrim jong ka Balang, Church of England lane Anglican Church ha ki kattokatne ki long iing ha kane ka shnong bad la ioh ban seng Balang, ha kane ka shnong, ha ka 28 tarik Nailur la pynkyntang ia ka iingmane kane ka Balang, da u Bishop Afredlefroy,u Bishop ka Calcutta Diocese bad la aikyrteng ia ka, ka St. Mary,s Church.
Haduh mynta kane ka balang ka la nangroi nangroi bad kila don mynta haduh 130 ïing.
Ha kane kajingrakhe bad ainguhiakajingdap 100 snem kane ka Balang,St Mary,s Church,CNI Nangbah la pynlong ia ki program bapher bapher naduh ka sngi saitjaiñ kum ki Cultural Program kaba la iashim bynta da ki samla nakiwei pat kikynhun Balang,kiba don ha ka shnong Nangbah, kynthupruhia kiba dang long khasi ne Niamtrekatba ha ka sngi u trai la pynlong ia kaJingiasengpaitbah ha kane ka ïingmane ha kaba kajingiasengkaba 1 baje mynsngi la pyniaid da u Rev L. Khongthohrem Presbyter Incharge, la plie pyrda ruh ia u mot sah jingkynmaw ia kane ka jingdap 100 snem kane ka Balang,da u Most Rev Dr.P.Lyngdoh, Bishop ka North East India Diocese. Ha kane ka jingiaseng la iadonlang ruh u Rt.Rev. Dr.P.C.Singh, Bishop of Jabalpur Diocese,u Rt. Rev. E.W. Talibuddin Bishop barim kaneka Diocese bad u ma R.M. Garod DaloiElaka Nangbah.
Ha kane ka jingiaseng la ioh ruh ia ka jingiathuh khana na u Rt. Rev. Dr.PDPatole Bishop ka Bombay Diocese u ba sam ia kakhubor kaktien u Blei sha ki paitbah da kaba u pynshong nongrim na ka 2 chronicle 7 ka lynnong dkhot ka ba 12. Ha kajuh kapor u la ongruhka long ka kam kaba khraw ban pyndonburom ia kum kane kasngikajingdap 100 snem kamdeikakam kabasuk, ha ka jingiaid lynti kaba kum kane ki kmi tymenki kpa tymmen jong ngi ki iakynduh shibun ki jingeh, ngi dei ban ainguh ia ki namar ka jingskem ka jingngeit jong ki ha ka jingñiah lynti ka jong ki sha une u mawjam.
Kane baroh ka dei ka mon u Blei ka jingseng ia kane ka balang ha kane ka Shnong Nangbah ruh ka dei ka jingjied u Blei.
Ia kane ka jingiaseng la pynshong kun ruh da ki jingrwai na ki ryndang baum bathiang ki Choir jong ka Balang,St.Paul,sChurch Mulang, Pesbyterian Church Nangbah,AllSaints’ Cathedral Shillong bad St.Mary,s Church Nangbah.