Nongpoh: Ar-sngi hadien ba u Dr. D.D Lapang, u la shim ia ka rai rangbah ban iehnoh ia ka Congress, myn hynnin ka sngi u Bah Mayral Born Syiem, MLA ka Congress na Nongpoh, u la ong ba un ym don ktien pat da kumwei ban kren halor katei ka jingieh syndet jong u ia ka Party, namar u Dr. D.D Lapang shem la pyntip satia halor katei bad um shem la kohnguh ban phaidien sha ka party, wat hadien ba ki nongialam ka Party ki la kyrpad ia u ba un wanphai biang.
Haba kren sha ki nongthohkhubor mynta ka sngi ha Nongpoh, u Bah Mayrald Born Syiem, u la ong hadien ba ka Party hi ka la sngewthuh ba u Dr. D.D Lapang um wanphai shuh sha ka Party, hynrei ma u lem bad ki paidbah kiba la pynjop ia ka Congress na Nongpoh kin dang don ha ka party bad ka dei ruh ka kamram jong u ban dang pynkhlain ia ka party. Haba batai bniah shaphang ka jingiadei ma u bad u Dr. D.D Lapang, u Bah Mayrald Born Syiem, u la ong ba um don daw ei ei ban kren pyrshah ia u Dr. D.D Lapang, wat haba u la mih noh na ka Party, hynrei u niew ia u Lapang kum u Nonghikai uba khraw tam ha ka jingim bad uba nga dei ban burom haduh ka sngi ka jingiap, namar ka jingialam lynti ha ki kam sain hima sima.
U la ong ruh, wat lada u Dr. D.D Lapang un mih noh na ka Congress, hynrei ma u lem bad ki paidbah kiba la pynjop ia ka Congress na Nongpoh kin dang don ha ka party bad ka dei ruh ka kamram jong u ban dang pynkhlain ia ka party wat lada u Dr. D.D Lapang.
“Ia u Dr. D.D Lapang, la dei ban burom da baroh ki paidbah jong ka Dong Ri Bhoi, namar u la dei shisha uwei na ki riew khraw bad uba la noh synniang shikatdei eh ia ka dong Ri Bhoi, namar dei hapoh ka jingling jong u kum u nongialam ba ka Ri Bhoi ba kan ioh la ka jong ka District bad ym tang katta hynrei ia shibun ki kam pynroi hapoh jong ka District” ong u Bah Mayrald Born Syiem.
Watla u Dr. D.D Lapang, u la mih noh na ka Party, hynrei u Bah Mayral Born Syiem u la ong ba kumba long haduh mynta ka party Congress ka dang ia tylli hapoh ka jingialam jong u kum u MLA bad ban pynkhlain pat ia ka Party, khamtam eh ha kane ka jingpynkhreh ia ka ilekshon MDC bad MP ruh kumjuh.