Dang trei jur ka khlam corona ha Ribhoi, West Khasi hills

Shillong:Kiba ioh pang corona thymmai myn hynnin ka sngi, ki long 420ngut. Kiba jem na ka jingpang, ki don tang 298ngut bad kiba iap, ki long 10ngut.

Baroh kiba don ia ka jingpang, ki long 4,424ngut bad baroh kiba iap, ki la poi sha ka 807ngut.
Ka East Khasi hills, ka don 126ngut ki nongpang bad nangta ka Ribhoi District, ka don 58ngut ki nong pang, ka West Garo hills, ka don 69ngut ki nongpang.

Na ki 420 ngut, ka East Garo hills, ka don 29ngut bad ka East Jaintia hills, ka don 9ngut.
Ka East Khasi hills 126ngut bad kitei ki kynthup ia 10ngut ha Laitkor bad 15ngut ha Laitkor Rngi Sohiong, 13ngut ha Laitumkhrah, 5ngut ha Langkyrding, 9ngut ha Lummawbah, 5ngut ha Mawdiangdiang, 9ngut ha Mawlai, 5ngut ha Mawphlang, 5ngut ha Nongrah, 4ngut ha Tyrsad.

Ha North Garo hills, ki don 15ngut, ka Ribhoi ka don 58ngut. Na kitei ki 3ngut ki don ha Barigaon, 3ngut ha DC Office Ribhoi, 4ngut ha Jowe, 4ngut ha Mawit Nongshiliang, 5ngut ha Nongpoh, 6ngut ha Patharkhmah, 10ngut ha Sumer, 6ngut ha Umbir.
Ka South Garo hills, ka don 10ngut, ka South West Garo hills, ka don 8ngut, ka South West Khasi hills 21ngut, ha kaba 4ngut ki dei ha Nonglang.
Ka West Garo hills, ka don 49ngut, ka West Jaintia hills 54ngut bad kitei ki kynthup ia 3ngut ha Iongpiah, 7ngut ha Mihmyntdu, 3ngut ha Mission, 4ngut ha Mookyrdup, 6ngut ha Mynthong, 5ngut ha Syndai.
Ka West Khasi hills, ka don 41ngut, ha kaba 23ngut ki dei ha Pyndengrei.