Dang step phyrngab, mih ka UHM ban pyrshah ia ka jingshim jaka ka Star Cement

Shillong: Myn hynnin ka sngi ka United Hynniewtrep Movement, East Jaintia Hills Districts, ka la mih shakhmat ryngkat ki paid nongshong shnong jong ka Elaka Narpuh naduh ka por 7 baje mynstep ban khang lynti bad ban pyrshah ia ka Star Cement ltd ban pynlong ia ka jingialang paidbah ha Bri Chyrnot, namar ba kane ka jingthmu jong kane ka kompeni, ka long ban pyniar iaka jingtih mawshun ha kane ka jaka.

Khlem pynslem kane ka seng hapoh ka jingialam jong u President ka District u bah Yoomiki Kyndait, ki la leit mar mar ban iakynduh ia u DC ha ka 27tarik Nailur 2019 ban buh daka jingujor pyrshah iakane ka jingthmu jong kane ka company.
Ka jingpyrshah jong ka seng ia kane ka kompeni, ka dei hadien ba ki Hynriew shnong jong ka Elaka Narpuh ki la pyrshah jur ia kane ka jingthmu jong kane ka company bad kum ka seng hi baroh kawei kaba don ka jing kitkhlieh iaka im lang sah lang kam lah ban shu shong kli kti ka la mih lang sha khmat ban pyrshah lang, namar ba ha kane ka jaka ka don ruh ka jaka ri mrad bad lada ai lad ia kane ka company ban tih ia u mawshun kan sa ktah ia kane ka jaka ri mrad bad kumjuh ruh kan ktah ia ki doh um doh wah kiba don ha ka wah Lukha bad kin sa duh jait lut baroh.