Dang pynkhreh ka sorkar ban pynbha ia ki iew khappud

Shillong, 25 Nailur:
Ka sorkar jylla ka la dang pynkhreh bha ban pynbiang pynbit ban pynwan dur bha ia ki iew khappud mar khappud bad ka ri Bangladesh ba don ha kane ka jylla.
Katkum ka khubor sorkar, ka sorkar lyngba ka tnad Commerce and Industries department ka jylla ka la pynkhreh ban tei bha ia ka iew khappud ha ar tylli ki land custom station ha Dalu ka West Garo Hills district bad ha Ghasuapara ha South Garo Hills.
Kiwei pat ki iew kiba hap ha Khasi kiba ka sorkar ka la pynkhreh ban tei bha ia kine ki iew ki kynthup ha Tamabil ha Dawki ka West Jaintia Hills ban buh ia ka integrated check post (ICP) ban leh da ka Land Port Authority of India (LPAI).
Shuh shuh ka sorkar ka la pynkhreh ruh ban tei ia ki ar tylli ki iew khappud ba kynthup ha Balat ka East Khasi Hills district bad ka Kalaichar ha South Garo Hills.
Ka khubor sorkar ka la ong ruh ba ka tnad Commerce and Industries department ka jylla ki la pynkhreh ban shna ia ki jingkieng, ki surok, bad ki umbam umdih na ka skhim ASIDE scheme jong ka tnad Ministry Commerce & Industries, ka sorkar India.
Nalor kine, ka sor kar ka la ong ba ka la don ka jingpynkhreh ban pynlong ruh ia ki wah kum ki lynti um ban pynlong ia ki jingiakhaii pateng bad ka ri Bangladesh kum ka wah Ranikor, Simgsam, Umngot.