Shillong,13 Jylliew:
Wat la ka World Cup ka la sdang naduh myn hynnin ka sngi hynrei la iohi ba haduh mynta ka sngi ruh ki paidbah kham tam na ki thain nongkyn dong, ki dang ia khohreh ban mareh sha ki dukan die TV, na ka bynta ban thied ia ki TV thymmai jong ki na ka bynta ban ia pynlut por bad ki bahaing ha sem bad ki lok ki jor na ka bynta ban peit World Cup.
Haba iaid ha ki thain Iewmawlong la iohi ba ki don bun ki paidbah nongkyndong kiba la kit kyndung la ki TV thymmai bad ki Dish TV , bad ki don ruh bun kiba la wanrah ia ki TV rim jong ki sha ki dukan die TV ban ia kylliang bad kaba thymmai.
Haba u nongthohkhubor , u la rung ha kawei ka dukan TV, la iohi ba ka jingthnam ka iew ha katei ka dukan ka la long kaba palat haduh ba ki trai dukan kim lap por shuh tang ban bamja ruh, namar ka jingiabeh ia ka pisa.
Haba ia kren bad ki trai dukan ki la iathuh ba ka iew ka biang bha, dang ha kine ki ar sngi kata shis ngi shuwa ban sdang ka World Cup bad mynta ka sngi, ha ka jingiathuh ki trai dukan ki la ong ba ha ka jingshisha ki la nang pyrkhat ba ka iew World Cup mynta u snem ka kynyjah jar jar bad ka iapher na kiwei pat ki snem namarba ha ka saw snem ba la dep, shibnai shuwa ban sdang ka World Cup ki la ong ba la ithuh ia ka jingsdang wan tuid ki paidbah, hynrei mynta u snem pat wat shi taiew shuwa ban sdang ka World Cup ruh ka iew kam da ler, pynban dei hadien ba la sdang ba ka iew ruh ka sdang khluit, iathuh uwei u trai dukan, uba la pynpaw ba dang hap pynkhreh ban order TV biang. Haba ia kren shaphang ki dor uwei u trai dukan u la iathuh ba kam don kano kanao ka jingpynkylla ne ka jingpynkiew dor bad ka neh hi kumjuh kumba ju die.
Phi don ban ong eiei?