Dang iai bteng ka Shillong, ban paswut da ka lyer khriat

Shillong: Ka Shillong, ka dang iai bteng ban paswut da ka lyer khriat mynta ka sngi. Na ka liang ka tnat peit mariang ka sorkar India, ka India Meteorological Department, ka ai jingkhein, ba kaba shit eh ha Shillong, ka long 14.8 degree centigrade, katba kaba khriat eh, ka long 4.0 degree; ka Sohra, kaba shit eh, ka long 15.8 degree, kaba khriat eh, ka long 6.9 degree, ha Umiam, kaba shit eh, ka long 18.6 degree, katba kaba khriat eh, ka long 7.4 degree centigrade.

Hynnin bad mynta ka sngi, ym don slap satia, ha ka nongbah Shillong. La iathuh ba lashai ka sngi, kan don ka jinghap slap ba malu mala, ha ki bynta jong ka nongbah bad ki jaka ba marjan, katba sha kiwei ki bynta jong ka jylla, kan don ka jingdum lyoh kaba jur ha ki katto katne ki jaka.