Dang iai bteng ka jingkhriat ha nongbah Shillong

Shillong: Ka nongbah Shillong, ka dang iai bteng ban don ha ka jingkhriat kaba jur bad mynta ka sngi, kaba shit eh, ka long 11.8 degree centigrade bad kaba khriat eh, ka long 2.7 degree, ka Sohra, ka long 14.0 kaba shit eh bad kaba khriat eh, ka long 4.8 degree, nangta ka Umiam, kaba shit eh, ka long 17.4 degree bad kaba khriat eh, ka long 5.0 degree.

Hynnin ka sngi bad mynta ka sngi, ym don slap satia ha kitei ki lai tylli ki jaka haneng.

Ha ki 24 kynta, ki ban wan kan don ka jinghap slap kaba malu mala ha ka nongbah Shillong bad ha ki jaka ba marjan, katba ha ka jylla baroh kawei, kan don ka jingdum lyoh kaba jur, ha ki katto katne ki jaka.