Dang iai bteng ka jingkhriat ha ka nongbah Shillong

Shillong: Ka nongbah Shillong, ka iai bteng ban hap slap bad don sa ka jingkhriat kaba jur mynta ka sngi ruh.

Ka tnat peit mariang jong ka sorkar India, ka Meteorological Department, ka pyni, ba kaba shit eh ha Shillong, mynta ka sngi, ka long 12.4 degree, kaba khriat eh, ka long 4.2; ha Sohra kaba shit eh, ka long 14.7 degree, kaba khriat eh, ka long 3.5 degree, nangta ha Umiam, kaba shit eh ka long 18.4 degree bad kaba khriat eh ka long 5.4 degree.

Mynta ka sngi, haduh ka por 2.30 nohsngi, ym don slap satia ha Shillong, Sohra, Umiam, katba hynnin ka sngi, ka jinghap slap ha Umiam, ka long 14.3mm. Ka tnat peit mariang, ka pyntip, ba kan don ka jinghap slap, ha ka nongbah Shillong bad ki jaka ba marjan, ha kine ki 24 kynta ban wan.