Dang eksamin ka sorkar ban thaw MC

Shillong, 7 Risaw:
U Myntri Rangbah ka jylla u Mukul Sangma u la iathuh ba ka sorkar ka dang eksmin ia ka jingtyrwa ka Union Home Ministry ban thaw ia ki Municipal Councils (MC) ha ki jaka ba hap ha ka jingpeit jong ki district council katkum ka jingpynkylla ia ka riti synshar ka ri.
“Ka sorkar ka la ioh pdiang ia ka jingai jingmut na ki lai tylli ki Autonomous District Councils (ADCs) halor ka jingthmu ban pynkylla” la ong u Mukul haba jubab ia ka jingkylli ba la wanrah da u Bah Paul hapoh ka iing dorbar mynta ka sngi.
U Mukul u la ong ba ki tnad sorkar bapher bapher ki dang eksamin ia ki jingai jingmut jong ki ADC.
“Ngin aiti ia ki jingai jingmut sha ka sorkar pdeng hadien ba la pyndep ia ki jingdonkam baroh” la ong u Mukul.