Dang duna slap ha ka jylla

Shillong, 24 Naitung:
Ka jylla Meghalaya ka dang ioh duna palat u slap mynta u snem,ki don saw tylli ki jylla ka thaiñ shatei Lam mihngi ka ri India kiba dang ioh duna eh u slap mynta u snem bad kitei ki long ka Meghalaya, Assam, Naga land bad Tripura, kane ka long katkum ka jingtip ba la pynmih da ka Indian Meteorological Department (IMD) kaba la shim jingkhein naduh ka 1 tarik u jylliew haduh ka 24 tarik mynta u bnai.
Katkum katei ka jingkhein katei ka tnad la ong ba naduh ka 1 tarik u jylliew haduh mynta ki don tang saw tylli ki jylla kiba ka jingioh slap ka la long palat katba 21 tylli ki shu biang, bad 10 tylli pat ki ioh duna palat. Katba ha kane ka jylla pat ka East Garo Hills, East Khasi Hills, bad West Khasi Hills district ki dei ki distrik kiba ioh palat u slap, ka Jaintia Hills, Ri Bhoi bad South Garo Hills ka duna slap palat.