Nongstoiñ:Ka Seng Federation of Khasi Jaintia and Garo People (FKJGP) Langpih Area Unit ka la kynnoh ba sorkar Assam, ka dang iai bteng ban wan thew wan woh ia ki jaka puta hapohg ka thaiñ Langpih.
Haba iakren sha ki lad pathai khubor, na ka liang jong u bah Serbilin Lyngdoh President ka FKJGP Langpih Area Unit u la ong ba katei ka jingleh jong ka sorkar Assam ka long khlem ka jingmon jong ki trai jaka bad ki nongshong shnong ha katei ka thain.
Kumta ha kaba iadei bad kane na ka liang jong ka Seng ka kyntu ia ka sorkar Jylla ba kan shimkhia bad ha kajuh kapor ka Seng ka kyntu ia ki nongsynshar shnong ka thain Langpih ba kimdei ban ailad ia katei ka jingwan thew jaka ka Assam.
Kane ka pyni ia ka jingleh donbor jong ka sorkar Assam ia ki paidbah Nongshong shnong haka thain khlem da burom iaka mon ki paidbah.
Kum ba ju long ki paidbah Nongshong shnong ka thain Langpih kim kwah ban hap ha Assam, kumta ka jingthew iaki jaka puta daka Assam ka long ka kam leh donbor bad ka jing pyntieng pynsmiej ia ki paidbah.
Ka seng kam lah ban shu sngap halor kane ka mat bad ngi kyntu ruh baka sorkar Assam ba kan nym dei ban shu leh donbor bad kan ym lah ban pynbor iaki nongshong shnong ban leit sha Assam.
“Ngi don la ka jong ka riti ka dustur ha ka imlang sahlang bad ka synshar ka khadar kaba long katkum ka hok long trai jongngi, kumta kumno ngin shu ngeit ia ka Assam haba ngim don kano kano ruh ka jingiadei” ong ka khubor.
Sgw synei ia ki nogshog shnong ka Langpih wat ailad trei shitom ka seng bd ki nogshog shnong Langpih