Dang bteng ka ia rieh ka Municipal bad ki nongdie madan

Shillong, 12 Nohprah:
Naduh ka por mynstep haduh ka por 2 baje eiei mynta ka sngi la iohi ba ki nongdie madan naduh na Motphran haduh them Bijoy ki la phriang ia la ki mar ki mata haruhd surok harud lynti lynti iaidkjat bad la iohi ia ki paidbah kiba ia tur puk puk ban leit jied jaiñ, jied juti, bam alumuri bad kiwei pat. La iohi ba ha ka por 2:30 ne 3 duna nohphai sngi khrui ki bor ka Municipal ryngkat ki pulit ki la wan poi ban kyndang ia kitei ki nongdie madan bad la iohi ia kiba bun kiba la lum tiar lum tar pynsted ban phet krad.
Katei ka jingjia kam dei kaba jai tang mynta ka sngi hynrei ka dei kaba iai jia na kawei ka sngi sha kawei pat, ha kaba katei ka jingkyndang nongdie madan la i kumba ka dei ka jingialehkai iarieh namarba shuwa ba ki bor ka Municipal kin poi ki nongdie madan ki la her krad hynrei katbym pat poi pat ka iew die madan ka nang thnam.
Katkum ka jingtip ba une u nongthohkhubor u la ioh lum , la ong ba ki bor District , Municipal, ki bor pulit ki la buh da ka hukum h aka thup jong ki ban bynta kam ia ki briew jong ki ban leit kyndang nongdie madan bad katei ka jingbate kam ka la sdang naduh mynta ka sngi bad kan iai bteng lashai, la shisngi ter ter.