Dang bteng hi ka jingslap jur ha Sohra

Shillong: Ka jinghap slap, ka Shillong, hynnin ka sngi, ka long 4.4mm, katba mynta ka sngi, kam don jinghap slap satia. Hynnin ka sngi, ka jinghap slap ha Sohra, ka long 200.4mm, katba mynta ka sngi, ka long 8.0mm. Ha Umiam, hynnin ka sngi, ka jinghap slap, ka long 4.3mm, katba mynta ka sngi, ka shu slap bniop bniop, ong ka khubor na ka tnat India Meteorological Department (IMD).

Lashai ka sngi, kan don ka jinghap slap, kaba malu mala bad kaba kham jur ha ka nongbah Shillong bad ki shnong ba marjan jongka, katba ha kiwei ki bynta jong ka jylla, kan don ka jinghap slap, kaba jur bad kaba jur bha. Ka jingsngem ka mariang ha Shillong, ka long 81 percent mynstep bad 69 pc ha ka por janmiet.