Dang ap ka sorkar ban pdiang ia ka jingmynjur ia ka soskular bad ka ANVC

Shillong, 14 Rymphang:
Ka soskular kaba la iateh hapdeng ka jylla Meghalaya’s bad ka seng lehnoh A’chik National Volunteers Council (ANVC) ryngkat ka sorkar pdeng ka dang ap ia ka jingmynjur jong ka Cabinet Committee on Political Affairs (CCPA) ba la khlieh da u Prime Minister ka ri u Manmohan Singh shua ban shim ia ka rai ban ia soi.
Ka tnad kam poh iing ka sorkar India ka ladep aiti sha ka CCPA myn shemsnem.U Myntri Rangbah ka jylla u Dr Mukul Sangma u la ong ba ka ANVC (B) kan don bynta ha kane ka jingiasoi iaka sos kular ym ka ba iapait na ka ANVC.
Ka sorkar jylla ka a pynjlan ia ka jingpyn long ia ka elek shon sha ka Garo Hills Autonomous District Council (GHADC) sa hynriew bnai khnang ba ki dkhot ka ANVC kin ioh ban shim bynta ha ka elekshon.
Ka ANVC ka la ia soi ia ka soskular sangeh iasiat ha u snem 2004 ha kaba ki la dawa ia ka GHADC dei ban pynlong kum ka Bodo Territorial Council.
Hynrei ha ka 5 tarik mynshemsnem ka la pyn jynsur noh ia ka jingdawa jong ka da kaba dawa noh ban pybun noh ia ka jing don jong ki MDC na ka 29 sha ka 40.