Shillong:Ka sorkar jylla ka kwah ban injek Measles Rubella haduh 13 lak ngut ki khynnah kiba naduh 9 haduh 15 snem karta hynrei haduh mynta kiba la dep injek ki long tang 3,82,421 ngut bad katei ka long haduh ka 8 tarik mynta u bnai iathuh u myntri ka koit ka khiah ka sorkar jylla u bah A.L Hek haba kren sha ki nongthohkhubor.
U bah Hek u la ong ba katei ka jing injek ka la sdang naduh ka 24 tarik u nailur ha ki 5 tylli ki district. Na kitei ki 3 lak ngut tam 1,88,566 ki dei ki khynnah shynrang bad 1,93,855 pat ki dei ki khynnah kynthei.
Kiba bun eh ki khynnah ba shah injek dei ha EJH kaba kot 65%, WJH 60 %, WKH 42%, EGH 32%, SWGH bad SWKH 31%.