Shillong, 18 Nailar:
Katba ka jia, katei ka jingiakynad ha Smit, la lah ban pynjem, da jingleit poi biang por jong U Bah Lambor Malngiang, MDC bad U Martin Danggo, ha kaba ki leit poi ha ka por 11.30 eiei mynmiet.
Ia katei, la iathuh hi da U Sordar Shnong, ha ka dorbar, kaba la long hynnin ka sngi, ha kaba u ong, ba ka dei lyngba ka jingwan poi biang por jong U bah Malngiang bad U Danggo, ba la lah ban pynthanda ia katei ka jing ia kynad bad ha kajuh ka por, ba la ioh ban sei noh ia ki samla kiba la shah thep ha kali jong ki pulit, kiba dei ban kit sha thanat Madanryting.
U bah Lambor, uba don lang bad U Danggo, ha kati ka dorbar, haba kren, ula ong “U lathi na motphran, ym ioh bom briew, dait ka kti, wan bom briew pat shane”.
Ki don kiba iathuh, ba ha katei ka miet jong ka jingjia, ki la phone ia U MLA, Bah Ardent Basaiawmoit, hynrei, ym shym la shim satia ia ka phone bad ym shym la iohi ruh ia u, hynnin ka sngi, ba un don ha ka dorbar jong ka katei ka Shnong.
Phi don ban ong eiei?