Dain kuna naphang ki pulit, ia ki nongniah ar shaka ba pynkhein kyndon ain

Nongpoh:Ka ophis u Superintendent of Police Ri Bhoi, lyngba ka Nongpoh Police Station Traffic Branch, ki la pynlong ia ka jingtalasi ia ki nongniah ar shaka ha ka surok bah jong ka NH-6 ha Ri Bhoi, ha kaba lyngba katei ka jingtalasi, ki la lap ia shibun ngut ki nongniah ar shaka, ki bym shym la buron ia ki kyndon ain niah kali.

Ha ka jingtalasi, ia kaba ki la pynlong hajan Saiden, ki la lap ia bun ngut ki nongniah ar shaka, ki bym deng Helmet, kiba iaid na ka liang bym dei (Wrong Side), kiba niah klem laisen lem bad kiwei.

Katei ka jingtalasi ia ki nongniah ar shaka, ka dei hadien ba ki pulit ki la lap ba kin don shibun ki jingjia aksiden ha surokbah NH-6 bad khamtam eh ki ar shaka, kumta na bynta ban tehlakam ia ki jingjia aksiden bad ban ai jinghikai sha ki nongniah ar shaka, kaba la pynlong ia ki Pulit ba kin pynlong ia katei ka jingtalasi bad ban dain kuna na bynta kito kiba pynkhein ia ki kyndon ain niah kali.