Daiñ kuna ka RBI ia ar tylli ki bank na ka jylla

Shillong: Ka Reserve Bank of India (RBI) ka la ai jingpynshitom ia ki saw tylli ki cooperative banks kynthup ar tylli ki bank na ka jylla Meghalaya da ka kuna kaba10 lak tyngka hadien baki la pynkheiñ ia ki kyndon.

Katkum ka jingthoh ha ka kotkhubor The Economic Times, 5 lak ka kuna la phah siew ia ka Jowai Co-operative Urban Bank Limited halor ka jingpynkheiñ jong ka ia ka aiñ ‘Exposure Norms and Statutory/Other Restrictions-UCBs’ jong ka RBI.

Ka RBI hadien ba ka ladep ban leit jngoh bad ban peit thuh bha ia kine ki bank ha kaba iadei bad ka kam pisa kumba ladei naduh u bnai March 31, 2018, la iohi ia ki jingdkoh treikam bad ki jingbymbud ia ki rule ki aiñ jong ka RBI.

Nalor kane, ka RBI ka la pynshitom da ka kuna kaba 1 lak ia ka Tura Urban Cooperative Bank Limited, namar kajuh ka daw kum ka Jowai Co-operative Urban Bank Limited.