Dain kuna ka kashari T.70lak, ia ka model, ba ka ia shong bad uba la don tnga shawei

Imphal: Ka kashari ha Manipur, ka la hukum ia kawei ka model kaba pawnam bha ha katei ka Jylla, ka Yambem Puni ba kan siew T.70lak kum ka bai mynrain sha ka tnga trai, namar ba ka la ia shong noh bad u, nalor ba ula don ia la ka jong ka tnga trai.

Kitei ki shi tnga trai, ki long ka Dr Ranjita Achom bad U Dr. Konsam Shyamsunder.

Ka kashari, ka la hukum ia katei ka model ba kan siew T.10lak ba ka la pynmih ia ka jing kulmar jingmut kaba ktah ia katei ka tnga trai bad nangta sa T.10lak, ba ka pynhiar kyrdan ia katei ka tnga trai ha ka imlang sahlang bad nangta sa T.50lak, kum ka jing pynshitom halor katei ka jingleh jongka.

Ka Dr Ranjita bad U Dr Shyamsunder, ki la ia poi kha naduh us nem 2009 bad ki la iathoh bad rejister ia ka jing ia shong kurim jongka bad ki don lai ngut ki khun.

Ka Dr Ranjita, ka la ujor sha kashari, hadien ba u tnga jongka, u don jingiadei bad katei ka model kaba 33 snem ka rta bad kaba la ktah ia ka jinglong jingman jongka bad ka trei ka ktah bad ka pyrkhat pyrdain jongka ruh kumjuh.