Da U Bah Kmenlang sei ka BJP ka War-East

Shillong 23 Risaw:
Ka BJP ka la sei da u Bah Smenlang Kyndait kum u kyrtong na ka bynta ban iakhun ia ka elekshon MDC shiteng samoi na 7 War-East constituency kaba hap ha ka JHADC. Ia ka kyrteng jong u Bah Kmenlang la pynbna bad pynskhem ha ka jingialang jong ka party kaba long ha kane ka sngi Saitjain ha nongbah Shillong da u President ka party u Bah Shibun Lyngdoh ba la donlang ki nongialam ka party.
Ka elekshon MDC shiteng samoi kan long ha ka 13 tarik Nohprah,2016 hadien ba la risain noh 7 ngut ki MDC kynthup 6 tylli ha KHADC bad kawei ha JHADC.
Haba kren ha kane ka jingialang, u Bah Shibun u la ong ba ki paidbah kin ailad ia ka BJP ha kane ka elekshon shiteng samoi ba kan pyni ia ki kam sha ki.
U la ong ba kane ka elekshon MDC shiteng samoi kan long kum ka jingtynjuh kaba kthang ia ka party Congress kaba la nang stait bad shah kyntait ha kylleng ki jaka jong ka ri ha kine ki sngi bad kyrmen ba ha kane ka jylla ruh kan urlong.