“Da thylli U Kchu Ja”

Dayoo M Bareh – ShilliangMyntang WJHD

1. Kylleiñ soodong i pyrthai myndaer

Su ki jingeh ya i wa ker

Wym em wadooh wym em wayoh

Da Sympat lut ko ya waroh.

2. Lai khih Mylla da chah khang lut

Wadooh waduk da yoo kjut nood

Da raw da tyrkhaw i kjat i kti

Kchu ja ha iung da sdang thylli.

3. Kiwa biang laiñ da dep stok chwa

Iyi won de ioh ki’U pyrwa

Kat iwa kwah wym boi yeiñ lain

Dabiang kiwa SUPPLY ONLINE.

4. Ki Nongkyndong warep wa thung

U Khoo ki Jhur da yoh na iung

U leh kammon lam yoh dei Tye

I bam i dih wym sniaw toh tne.

5. Kat mynnu ma-ai u lait nei-ni

Yoh biang u khih u kreh deiwi

Samboi pathan wym iap n’u Khlam

Ya smat u chem da ka iap thngan.