Jowai, 15 Nailur:
Ka Society for Urban and Rural Empowerment (SURE) ha ryngkat ka jingiatreilang jong ka ophis jong u Chief Executive Officer jong ka Jowai Municipal Board, ka la pynlong iaka jingialang ban ai burom bad ai sngew bha iaki nongpynkhuid shnong jong ka Jowai Municipal Board ha ka 13 tarik u Nailur 2013 ha ophis treikam jong u Deputy Commissioner jong ka West Jaintia Hills District u Bah PS Dkhar.
Haka jingialang bala pyniaid da ka P. Basan Executive Officer jong ka JMB, u Deputy Commissioner jong ka West Jaintia Hills u dei u kongsan. Ha kane ka jingialang la ioh iaka jingkren na u CEO jong ka JMB u ma SS Syiemlieh, u KS Siangshai Rangbah shnong ka Khim musniang, ka Robilla Mylliem nongialam ka Jaintia Traders Association bad na u President jong ka SURE u HH Mohrmen.
Haka jingkren jong u, u Mohrmen ula ai khublei iaka ophis jong u CEO kaba la shah iaki kum ka seng ban leh ia ine I kam barit ban ithuh bad ai burom ia ki nongpynkhuid shnong jong ka JMB. Naka liang jong ka seng ha ryngkat ka jingiatreilang bad ka JMB la ai sngewbha iaki nongpynkhuid shnong da tiar ban iada iaki (safety kids) ha ka por ba ki trei ia la ka jong ka kam kaba kynthup iaka helmet (tupia plastic), ki gloves (sopkti), ka mask (jingsopkhmut), ki goggles (iitkhmat) bad mar kawei ka certificate of appreciation kum ka dak ka jingsngewnguh iaka jingshakri jong ki ia ka shnong baroh kawei.
Naka liang jong u DC haka jingkren jong kum u kongsan ula iaroh iaka seng naka bynta ka jingpyrkhat basbun jong ki haka juh ka por u iaroh iaki nongtrei ka JMB bad kyntu iaki ba kin nanglah ban nangtrei shitom iala ka kam. U DC ula ong ruh ba dei ban long sngewsarong ia kano kano ka kam kaba ngi trei.
Phi don ban ong eiei?