Da ki hajar; tuid ki nongtrei Dewiong ha ha Dkiah Iaidbeit ka pakhang shnong ha baroh ar ki District

Jowai, 18 Jymmang:
Da ki phew hajar ngut, tuid ki nongtrei Dew iong naduh ki ma hajon, haduh ki nongbylla sha ka jingialang paitbah ha madan Tyllilang ha Dkhiah West Jaintia Hills bad hadien ka jing ialang la pynlong ia ka jingiaid paibah na Dkhiah sha Khliehriat Petrol pump East Jaintia Hill ban pynpaw sha ka pyrthei ba ki pyrshah ia

ka hukum ka National Green Tribunal(NGT) ban khang tih bad shalan dewiong.
Ia kane ka jingialang la pynlong da ka Jaintia Hills Coal Miners and Dealers‘ Association (JCMDA), ha kaba ha kane ka jingialang la ioh ia ka jingkren na kiba bun ki riew pawkhmat ka West Jaintia Hills District kynthup ia u ma Balius Swer Presidnt JCMDA, Ma Hambartus Nongtdu Ex MDC,Kong Violet Lyngdoh ,u ma Laski Rymbai, u Ma Namon Bamon bad la iasnokti lang ruh bad ka Jaintia Hills Truck Owners‘ and Driver Association (JHTOA).
Bun na kiba ai jingkren ki ong ba ka jingkhang jong ka NGT ia ka ban tih bad shalan dewiong ka long kum ba ka knieh ia ka pliangja ka jong ki bad ka ktah ruh ia ka lawei ka jong ki khynnah ki khun ki kti ki jongki namar lada kim ioh ban shalan dewiong kim ioh pisa shuh ban pynleit skul khun, namar ba ka shong ka thaw ka jongki kam don jaka rep bad ba kim don jingtrei shuh da kum wei pat Hadien kane ka jingialang kaba lyngkot ka la don ka jing iaid paitbah ha kaba ki la rah ruh ia ki lama iong bad ki jingthoh bapher bapher bad kawei na ki jingthoh ka ong No Mining, Mean No food, No Education, No Carrier to our Children lane kaba ong, ba khlem u dewiong, kin nym ioh bam, kin nym ioh phah skul ia la ki jong khun. Don ruh ki jingthoh kiba pynrem iaka Dimasa Students Union kaba la ujor sha ka National Green Tribunal (NGT) ha kaba ka NGT kala hukum ban khang iaka jingtih dewiong thliew khnai bad shalan dewiong. Ki don ruh ki jingthoh ban kyrpad ia ka NGT ban weng ia ka hukum khang tih dewiong thliew khnai khnang ba kin ioh ban bsa bad pyndap pynbiang ha ieng hasem.
Ka Pakhang shnong kaba 12 kynta ka Jaintia Hills Coal Miners and Dealers‘ Association (JCMDA) ka long kaba iaid beit khlem kino kino ki jingjia kiba sngewsih, ha kaba ki dukan, ki khang khyrdep

lut bad ba ym don kali kamai bad ki duna bha ki kali baiaid ba ieng ha baroh ar tylli ki District East bad West Jaintia Hill.