New Delhi: Ka Pakistan, ka pyndonkam da ki drone ban kit tiar siat sha u pud jong ka India Pakistan, ong ki pulit ka Jammu and Kashmir.
Ki pulit ka Jammu and Kashmir, ki la lap ia ki suloi AK 47 bad ki pistol, ha ka shnong Akhnoor hynnin ka miet bad la antad, ba katei ka dei ka kti jong ki ehrang Jaish-e-Mohammad.
Hadien ba ki pulit, ki ioh jingtip, ba la pynhap ia ki tiar siat, kumta ki la leit wad ia katei ka shnong bad ki la ioh kurup ia ar tylli ki AK assault rifles, ka pistol, lai tylli ki AK magazine bad 90 round ki kali, kiba la ioh kurup na ka shnong Zad Sohal.
Ar tylli ki song, la lap na ka shnong Akhnoor, kaba 12 kilometre na u pud jong ki ar tylli ki Ri. Kitei ki dei ki tiar, kiba dei ban pynpoi sha kti jong ki ehrang kiba don ha them Kashmir, ong ki pulit.
Phi don ban ong eiei?