Da ka wait, shah dung u dkhot ka HITO, ha ki arngut ha Sohshrieh

Shillong:Ka HITO seng kmie mynhynnin ka sngi ka la pynrem jur ia ka jingthmu jong ki ar ngut ki riew thrang snam ban shim ia ka jingim jong u dkhot ka seng ia uba la tip kyrteng kum u Salmon Rymbai ha ka shnong Sohshrieh Mukhla ha ka miet jong ka 9 tarik Lber 2023.

Katei ka seng ka la kynnoh ba ki arngut kiba la donkti ha ka jingpyrshang ban shim ia ka jingim jong utei u dkhot ki kynthup ia u Damut Bang bad u Palmon Sari.

Ka HITO ka la maham ba ym dei ban shim kabu ia ka jaitbynriew kaba don tang shitroh, da kaba kamai spah shimet khlem da pyrkhat ia ka saw ka sian jong ka ri bad ka jaitbynriew.

Ka la ong ruh ba ha kum kine ki por kiba ka jaitbynriew ka donkam ia ki ‘riew len lade ki ban lam lynti ia ka ri bad ka jaitbynriew, dei ban long kiba stad bad kiba shemphang ban iaid ha ka lynti jong ka hok bad kaba khuid.