Da ka Tyllaw ding shah bom iap u rangbah ha Tangrain

Jowai, 3 Naitung:
Uwei u Rangbah uba la tip kyrteng kum u Marbiang Shylla, 48 snem ka rta u la shah bom iap hynnin ka miet ha u wei pat u paralok jong u uba la tip kyrteng kum u Wanmi Lamare, 30 snem eiei ka rta.
Kitei ki ar ngut ki dei na ka juh ka shnong, Tangrain ha West Jaintia Hills bad ka khubor ka la iathuh ba utei u Marbiang ha ryngkat uwei pat u paralok jong u ha ryngkat bad u khun shynrang jong u uba dang kumba 10 lane 11 snem ka rta u dang shong mad kyiad ha kawei ka iing.
Hadien katto katne por, utei u Wanmi Lamare u la wan rung ha katei ka iing bad khlem da kren eiei u la shim da ka tyllaw ding barhem bad tied ia u na Khlieh bad na met haduh ba u la khlad noh hashen.
Katba utei u paralok jong u pat u bym shym la ioh kyrteng u la phet krat noh na katei ka jaka da ka jingtieng. Ka khubor ka iathuh ruh ba kitei ki ar ngut ki dei kiba ju long paralok bha.