Da ka SOP thymmai ban pyrkhing ia ka jingleh mynleh wanrah dewiong na shabar

Shillong:U Justice (retired) BP Katakey, uba khlieh ia ka Committee kaba la thaw ka High Court, Meghalaya, u la pyntip ba yn sa pynmih shen ia ki kyndon ne Standard Operating Procedure (SOP) ban tehlakam sbak ia ka jingleh mynleh ba wanrah dewiong beain nabar sha kane ka jylla.

“Ki la don shibun ki jingkynoh ha ki lad pathai khubor ha kaba iadei bad ka jingwanrah leh mynleh ia ki dewiong nabar lyngba ka Meghalaya sha Bangladesh”, la ong u Justice (Rtd) BP Katakey.
U la ong ba ia kine ki dewiong la wanrah da kaba leh mynleh ba wanrah nabar jylla ia u dewiong uba shu tih beain na kane ka jylla bad dei ban pynsangeh mardor ia kane.

U Katakey ula lum ia ka jingialang myntan ka sngi ha Secretariat ban iakren ia kane ka kam bad, u la leh ia ki katto katne ki jingpynshisha tangba ym pat dep halor kane bad u kwah ban wanrah da ki kynton kiba khlain ban pyrkhing ne ka SOP katkum ka rule kaba shna ka sorkar ha u snem 2022.

U la ong ba un shim ia ka rai kaba kut halor ka SOP ba thymmai kaban sa ioh ia ka jingai jingmut na ki riew paidbah shwa ka sngi Nyngkong ban wan, khnang ba ka sorkar kan pynmih ia ka jingpynbna.