Da ka snam thoh shithi, u nongialam Congress ba u ieid ia U Rahul

U nong ialam jong ka seng Congress, mynta ka sngi, ula thoh shithi da ka snam jongu hi, ha kaba u dawa ia ka Sonia Gandhi, nongialam jong ka seng Congress, ba kan ailad ia U Rahul Gandhi, ba un ialam ia ka seng Congress.

Ha katei ka shithi, kaba la thoh ha ka letter head jongu, U Councillor na ka Delhi Cantonment, U Sandeep Tanwar, u iathuh ba U Rahul Gandhi, ula trei shitom na bynta ka seng Congress bad ka jingkhanglad ba un ialam ia ka seng Congress, kam dei kaba iahap jingmut satia.

“U Rahul Gandhi, ula jaw ia ka syep bad ka snam, na bynta ka party. Ha ki sngi kiba sniew, ula kren na bynta u paidlang ka Ri bad ula mih ha surok bad ha Parliament ruh kumjuh. Kumta lada ym ailad ai u Rahul, ba un long U President, kumta katei ka rai kam long satia kaba bha ia ka seng” ong U Sandeep Tanwar.