Da ka section 144 CrPC, pynbna u DC Khliehriat, bym burom ia ki kyndon iada jingpang Covid-19

Jowai: U District Magistrate ka East Jaintia HIlls, u la pynbna da ka section 144 CrPC na ka bynta ban tehlakam ia ka jingbym shym la burom bad kohnguh jong ki paidbah halor ki kyndon ba la buh da ka sorkar lyngba ka tnad ka koit ka khiah ban iada na ka jingsaphriang u Khniang jingpang Covid-19 ha ka District.

Ka jingbym shym la burom bad kohnguh ia ki kyndon ka la long ha baroh kawei ka District bad khamtam eh ha ki kali kamai bad ha ki dukan bad ki iew ki hat.

Nalor ka section 144 CrPC, u DM ka EJH u la bynrap ruh sa ia ka kyndon 10(2) jong ka Disaster Management Act, 2005.
Katkum ka hukum, la hukum ia ki paidbah ban sait ia ki kti, ban deng ia ki mask bad ban ia jngai iwei na iwei bad ruh ban buh ryntih ia ki kyndon bapher bapher kumba la bthah da ka tnad ka koit ka khiah.

Kino kino kiba pyrshah ia ki kyndon, ki nongpyrshah ki lah ban ngat ha ka jingpynshitom katkum ki kyndon ain