|
Shillong: Ka Hynñiewtrep Youth Council (HYC) Riwar Mihngi Circle ka la khot ia ka jingiaka jingialang ia baroh ki bor bad nongsynshar shnong, raid, elaka kiba hap ha u pud u sam ka thaiñ Ri-War Mihngi, kaba la pynlong ha Pynursla ka la rai ban thaw ia ka Ri-War Mihngi People’s Forum (RWMPF).
 La seng ia kane ka Forum ban ia treilang na ka bynta ki dong ki shnong ka thaiñ Ri-War ha kiba bun ki liang khamtam ha ka jing-sahdien jong ki shnong nongkyndong. “Khamtam ban bud dien ruh ha kaba ia dei bad ki jingduna ki jingioh jingmyntoi na ki skhim sorkar bad ka jingtrei-kam ka Pynursla Civil Sub Division kaba dang donkam ban pyn-kynmaw ia ka sorkar ha bun ki liang”, la ong ka u samla Edmund Khongngai.
Ha ka jingialang la wan ban ia donlang da ki bor synshar shnong, ki bor synshar raid, elaka bad hadien ka jingiamir jingmut ka jingialang ka la shim ia ka rai ban thaw da ka Forum ban bud dien da ka jingiatrei lang ban kyntiew ia ka thaiñ Ri-War hi baroh kawei
Ki nongkitkam ka ka Forum ki long: Chairman-Bah Edmund Khongngai, uba dei ruh u president ka HYC Ri-War Mihngi Circle, Secretary -bah Harli Roy Khongwieng uba dei u rangbah shnong ka shnong Nongsohphan, Vice Chairman – Bah Pishon Buhtep, uba dei u Secreatry ka Raid Mawlam, Asst Secretary – Bah Centerson Khongsdam uba dei u Secretary ka Raid Mawja.
Nalor kine la jied ruh ia ki dkhot kane ka Forum ba kynthup ia u bah P. Khongbeh, Sirdar ka Elaka Umniuh Tmar, bah Krom Mawpat, ba dei u sirdar ka Raid Mawlam, bah Rangrit Khongthohrem, rangbah shnong Lumpengshyrngan, bah B Majaw, rangbah shnong Pomlum, bah J. Khonglam, bah Ngon Buhtep, Bah Plingsing Tynsong bad kiwei kiwei ki rangbah na ki shnong kiba hap ha ka Ri-War Mihngi.
|
Phi don ban ong eiei?