Da ka riam tynrai yn iakhun ki thei Samla ka Shella

Shillong, 12 Nohprah:
Ka Shella Sports, Cultural & Social Welfare Association kum shi bynta ban pyni ban pynneh pynsa ia ki riam tynrai ki Nongshella kan sa pynlong ia ka Miss Shella Traditional Dress Contest ha ka 17 tarik u Kylla lyngkot 2014.
Na ka bynta kane, ka seng ka la iawer sngewbha ia ki samla kynthei ka shnong kiba sah hajan bad ha jngai ba kin wan ban iashim bynta ha kane ka jingiakop ban pyni ia ka jingsarong sha ka ri bad ka pyrthei ia ka jingriew spah jong ka riam tynrai.
Ka khusnam ia kiba jop kan long ba Nyngkong T. 20 hajar, Baar T. 15 hajar bad balai T. 10 hajar nalor ki khusnam shimet. Kiba kwah ban iashim bynta kin sngew bha ban ai kyrteng noh ha ne shwa ka 6 tarik Kyllalyngkot 2013 ha ki nongkitkam ka seng, ong ka kyrwoh na u general secretary ka seng Samla Roy Kupar Synrem.